Wit Kersen, si Cery Jowo…

Awan-awan kepanasan, mlayu ngisis nang ngisor wit kersen, si cery jowo. Wit kang subur, godhonge iju ruyu-ruyu, pange njepaplang ngiyupi, lan siji maneh, woh-wohane kang abang mbranang cilik imut legi nglangeni..

pohon-kersen

Awan kuwi jan puanas buanget, arek-arek cilik podho layangan, ono sing dolanan gedrik engklekan, ono sing bal-balan sajak ora ngreken panase awan kuwi. Ono kiro-kiro cah telu, ngiyup nang ngisor wit kersen, lungguh ndeprok sinambi ngonceki tebu nganggo untu. Wah…jan arek iki, gak mikir blas nek untune biso pothel kanggo ngonceki kulit tebu. Nanging arek telu iki jan gak mikir nganti semono. Kanthi asyik sesap-sesep tebu sajak sueger mamerke kesegeran marang kanca-kancane sing podho dolanan.

Arek-arek sing podho dolanan kepanasen kepingin ugo ngrasakke segere tebu, cepet-cepet mlayu marani njaluk bagihan. Nanging sayang, tebune keburu amblas kesikat. Gak kurang akal akhire podho menek wit kersen methil si ceri jowo. Najan wohe cilik nanging lumayan kanggo nelesi gulu garing kepanjer srengenge awan kuwi.

Crito ngisor wit kersen si ceri jowo, ngelingake polahe arek cilik jaman mbiyen…nglangeni….Menek…Jempalikan ….Gandhulan wit….oyak-oyakan, dhelikan….Gobak sodor….Loncatan tali karet…Dakon alias congklak…saiki nang ndi yo dolanan asyik traditional mau? Wis kalah mbek PS an, game-game an, cetingan, lan dolanan jaman milllnium liyane.

3 Komentar

  1. wohe uenak nglangeni, uwite ijo ruyu-ruyu, gampang mati gak iku? ngrabuk’e, ngrumate uangel gak iku, Mbak CK?
    Cuap Cupang
    Sing penting telaten mawon Pak Bob….

  2. ho’oh….pancen aku sing wis ngrasakke rikolo semono…adus kali…. gabyuran ning sementer……..mentas- mentas….klambi lan katokku ilang…. bali mlayu tanpo busono…mung balutan klaras…untung isik cilik tur durung sunat…he he he….. koyo Si Bolang saiki sing dolanan reno reno ing deso…. Pancek nyengke tenan…
    Cuap Cupang
    Seneng ya Pak…ngemut-emut jaman dulu, masa kecil yang indah dan gak mungkin terulang….

  3. saiki sing memek woh kersen orang mung arek2 cilik. saben esok, wit kersen ning sisih omah malah priyayi2 sepuh. jarene kanggo tamba.
    Cuap Cupang
    Tamba? Tamba nopo paK? Tombo kangen…Kangen dolanan jaman cilik menawi.


Comments RSS TrackBack Identifier URI

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s